ஜேடியு, ஆர்ஜேடி, காங்கிரஸ் இணைந்து புதிய கூட்டணி ஆட்சி - பிஹாரில் மீண்டும் முதல்வராக நிதிஷ்குமார் பதவியேற்றார்

பாட்னா: பிஹாரில் ஐக்கிய ஜனதா தளம் (ஜேடியு), ராஷ்டிரிய ஜனதா தளம் (ஆர்ஜேடி), காங்கிரஸ், கம்யூனிஸ்ட் கட்சிகள் இணைந்து புதிய கூட்டணி அமைத்துள்ளன. இந்த கூட்டணியின் சார்பில் 8-வது முறையாக பிஹார் முதல்வராக நிதிஷ் குமார் நேற்று பதவியேற்றார். லாலுவின் மகன் தேஜஸ்வி யாதவ் துணை முதல்வராக பதவியேற்றுக் கொண்டார்.

கடந்த 2020-ம் ஆண்டில் நடந்த பிஹார் சட்டப்பேரவைத் தேர்தலில் ஐக்கிய ஜனதா தளம், பாஜக கூட்டணி வெற்றி பெற்று ஆட்சி அமைத்தது. பாஜக 74 இடங்களில் வெற்றி பெற்ற நிலையில் 43 இடங்களை பெற்ற ஐக்கிய ஜனதா தள தலைவர் நிதிஷ் குமாருக்கு முதல்வர் பதவி வழங்கப்பட்டது. 21 மாதங்கள் ஆட்சிக்குப் பிறகு பாஜக உடனான கூட்டணியை நிதிஷ் குமார் நேற்று முன்தினம் முறித்தார். அன்றைய தினமே முதல்வர் பதவியை ராஜினாமா செய்துவிட்டு, லாலுவின் ராஷ்டிரிய ஜனதா தளம், காங்கிரஸ், சிபிஐ (எம்.எல்.) உள்ளிட்ட கட்சிகளுடன் கூட்டணி அமைத்தார். அடுத்த சில மணி நேரத்தில் ஆளுநர் பாகு சவுகானை சந்தித்து புதிய ஆட்சி அமைக்க உரிமை கோரினார். இதை ஆளுநர் ஏற்றுக் கொண்டார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
via india