செங்கோட்டையில் தேசியக் கொடி ஏற்றுகிறார் பிரதமர் மோடி: புதிய அறிவிப்புகள் வெளியாகும் என எதிர்பார்ப்பு

புதுடெல்லி: நாட்டின் 75-வது சுதந்திர தினத்தை முன்னிட்டு டெல்லி செங்கோட்டையில் பிரதமர் நரேந்திர மோடி இன்று தேசியக் கொடியை ஏற்றிவைத்து, நாட்டு மக்களிடையே உரையாற்றுகிறார். இது அவரது 9-வது சுதந்திர தின உரையாகும். இந்த சுதந்திர தின உரையில் முக்கிய அறிவிப்புகளை பிரதமர் மோடி வெளியிடலாம் என்று எதிர்பார்க்கப்படுகிறது.

ஒவ்வோர் ஆண்டும் சுதந்திர தின விழாவின்போது டெல்லி செங்கோட்டையில் பிரதமர் தேசியக் கொடியை ஏற்றிவைத்து, நாட்டு மக்களிடையே உரையாற்றுவது வழக்கம். கடந்த 2014-ம் ஆண்டு முதல் பிரதமர் நரேந்திர மோடி, தேசியக் கொடியை ஏற்றிவைத்து, உரையாற்றி வருகிறார். தொடர்ந்து 9-வது முறையாக அவர் இன்று சுதந்திர தின உரையாற்றுகிறார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
via india