ஜார்க்கண்ட் ரோப் கார் விபத்து - மீட்புப் பணி அனுபவங்களை ஆவணப்படுத்த பிரதமர் மோடி வேண்டுகோள்

புதுடெல்லி: ‘‘ஜார்க்கண்ட் மாநிலத்தில் ஏற்பட்ட ரோப்கார் விபத்தின் போது மீட்புப் பணியில் ஏற்பட்ட அனுபவங்கள், கற்ற பாடங்களை ஆவணப்படுத்துங்கள்’’ என்று பல்வேறு மீட்புப் படையினருக்கு பிரதமர் நரேந்திர மோடி வேண்டுகோள் விடுத்தார்.

ஜார்க்கண்ட் மாநிலம் தியோகர் மாவட்டத்தில் பாபா வைத்தியநாத் கோயிலுக்கு செல்ல ரோப்கார் வசதி உள்ளது. இந்த ரோப் கார்கள் தொழில்நுட்ப கோளாறு காரணமாக கடந்த ஞாயிற்றுக்கிழமை மோதி விபத்து ஏற்பட்டது. இதில் 3 பேர் உயிரிழந்தனர். பலர் காயம் அடைந்தனர். மேலும், 12 ரோப் கார்களில் 50-க்கும் மேற்பட்டோர் சிக்கி பல மணி நேரம் தவித்தனர். அவர்களை மீட்க 2 நாட்கள் ஆனது. அந்தரத்தில் தொங்கிய ரோப் கார்களில் இருந்தவர்களை மீட்கும் பணியில் பல்வேறு மீட்புப் படையினர் ஈடுபட்டனர். அப்போது பல்வேறு சிக்கல்களை அவர்கள் சந்தித்தனர். அவர்களுக்கு தண்ணீர், உணவு போன்ற அத்தியாவசிய பொருட்களை வழங்கினர். கடையில் அனை வரையும் பத்திரமாக மீட்டனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
via india