நாட்டை பலவீனப்படுத்தும் வெறுப்பும், வன்முறையும் - காங்கிரஸ் மூத்த தலைவர் ராகுல் வேதனை

புதுடெல்லி: குஜராத் மாநிலத்தில் காம்பத் மற்றும் ஹிம்மத் நகரில் ராம நவமி ஊர்வலத்தின் போது வகுப்புவாத மோதல்கள் ஏற்பட்டு, ஒருவர் உயிரிழந்தார். டெல்லியில் ஜவஹர்லால் நேரு பல்கலைக்கழகத்தில் நேற்று முன்தினம் மாணவர்கள் இடையிலான மோதலில் பலர் காயமடைந்தனர்.

இந்நிலையில் காங்கிரஸ் முன்னாள் தலைவர் ராகுல் காந்தி தனது ட்விட்டர் பதிவில், “வெறுப்பு, வன்முறை, ஒதுக்கிவைத்தல் ஆகியவை நமது அன்புக்குரிய நாட்டை பலவீனப்படுத்துகின்றன. சகோதரத்துவம், அமைதி, நல்லிணக்கம் ஆகியவற்றால் ஆன செங்கற்களால் முன்னேற்றத்துக்கான பாதை அமைக்கப்பட்டுள்ளது. நீதியான, அனைவரையும் உள்ளடக்கிய இந்தியாவைப் பாதுகாப்பதற்கு நாம் ஒன்றுபடுவோம்” என்று கூறியுள்ளார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
via india